الرئيسيةس .و .جبحـثالتسجيلالأعضاءالمجموعاتدخول

شاطر | 
 

 حوار مع اللاعب بيضوضان للموزع الصوتي للنادي... تحريرا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Osama
ألـِـِمِـِـديِـِـر ألـِِـعِـِـآمً
ألـِـِمِـِـديِـِـر ألـِِـعِـِـآمً
avatar

عدد الرسائل : 247
تاريخ التسجيل : 02/11/2007

مُساهمةموضوع: حوار مع اللاعب بيضوضان للموزع الصوتي للنادي... تحريرا   الإثنين نوفمبر 05, 2007 9:07 am



احاول ان نقوم بتحرير الحوار الكامل الذي اجراه الموزع الصوتي للنادي مع اللاعب الجديد بيضوضان حال وصوله للمطار


مرحبا بيكم في استديو الرياضه الخاص في منتدى الشبح الافريقي....هذه نشرة نهار الجمعة و هاذي اهم العناوين...
استقبال حار لـ بوضيضان من طرف جماهير النادي الافريقي...

اللاعب بوضيضان في حوار خاص بالموزع الصوتي متاع الجمعية.... هذه اهم العناوين واليكم كل التفاصيل...

الجديد في النادي الافريقي هو حوار اللاعب بوضيضان اللي صحّح عقد مع الجمعية لمدة عامين و نصف و احقاقا للحق فان عملية انتقاله للجمعية كانت صعيبة برشة و صار رفض كبير للمسؤولين متاع المغرب الفاسي اللي ما حبوش يسيبوا في اللاعب هذا و كان ما ما مشاش رئيس النادي بنفسه للمغرب و نجح في اقناع المسؤولين لما امكن التعاقد مع بوضيضان اللّي حتى هو شد الصحيح باش يجي يكور معانا.... من غير ما نطوّل عليكم اسمعوا الحوار اللّي عملتوا معاه حال وصولو لمطار تونس قرطاج

** مصطفى بوضيضان لو كان تقدم روحك لجمهور النادي الافريقي اللي قاعد يسمع فيك توة؟

-... بوضيضان.. 33 سنة...صاحب البطولة المغربية 3 مرات..حائز على القاب عديدية مع فريق الرجاء البيضاوي و الفتح الرباطي و الشباب السعودي متزوج منذ عامين... من عائلة متواضعة... انسان عادي .. كبقية الناس... انسان شعبي يعني....

** برشة من جماهير النادي الافريقي... و من بعد "كان 2004" ما سمعوا حتى شيئ على بوضيضان...كان تحكيلنا على العامين الاخرين متاعك؟

-كان على العامين الاخرين و بعد "كان2004" رجعت لفريق الرجاء البيضاوي و احرزت على البطولة المغربية معاه..
و من بعدها التحقت بفريق "اف سي روستوف الروسي"..و بقيت معاه موسم واحد كاعارة ولكن لصعوبة الطقس و برنامج البطولة عندهم التي تبدا في شهر3 و تنتهي في شهر 11... هذه الفترة كانت صعيبة ليا ... رجعت لرجاء و احرزت معاه لقبين.. كاس العرش و كاس العرب اللي يعرفوا الجميع (........) و من بعدها التحقت بالمغرب الفاسي بعد مشاكل مع المدرب اوسكار... والي حققت معاه (المغرب الفاسي ) نتائج ايجابية مثل هداف البطولة وكنت دائما مواضب على العمل م الحفاظ على المستوى(....)

** اش نوة الاحساس متاعك بعد الاستقبال الكبير اللي عملوهولك جماهير النادي الافريقي في مطار تونس قرطاج؟

- اول حاجة نشكرهم..جمهور النادي الافريقي الي تحمل برودة الطقس و جاء ليدعم بيضوضان منذ الوهلة الاولى.. فنشكر بالمناسبة الجمهور هذا.. على حفاوة الاستقبال و على الدعم المعنوي الي يعطيني حافز معنوي اني باش نكون في المستوى وفي تطلعات جماهير الافريقي...

** اول سؤال باش تسالوا جماهير الافريقي هو انوا هل بو ضيضان حاضر بدنيا و ينجم من غدوة يدخل جو المقابلات؟؟؟
- بطبيعة الحال... فانا كلاعب محترف دائما حاضر على المستوى البدني و الفني و المعنوي ف الحمد لله انا مواضب على مقابلات الدوري(....) فانا لاعب 13 مقابلة من اصل 15 مقابلة (...) المقابلة الي ما لعبتش كانت بسبب جمعي لاربع ورقات صفراء و المقابلة الاخرى كنت مصاب فيها (...) فالحمد لله انا جاهز بدنيا و تقنيا(...)

** مصطفى تستنا فيك مقابلة كبيرة... مقابلة الدربي السبت الجاي و جمهور النادي الافريقي يعلق عليك امال كبيرة؟؟

- الحمد لله متعود على دربي الرجاء(...) تقريبا لعبت 4 دربيات... متعود على الظغط و الكواليس ف نتمنى من الله انو الدربيات يكونش فارق بين الافريقي و الترجي او الاهلي و الزمالك و الكل كي يبقى دربي واحد .. الانسان كي يكون ثقة في النفس و اعصاب هادئة.. باش انه يدور الدربي على احسن ما يرام ف كان نعرف الدربيات ... و اش حال الدربيات في تونس ... كان جمهور كبير..صراحة كان نكون في هذاكا المستوى الكبير ف نتمنى من الله اني نكون في مستوى تطلعات جمهور النادي الافريقي و نفرحوا ان شاء الله في الدربي هذا...

** باش يكون دربي تونسي و دربي مغربي و باش تواجه زميلك السابق في الرجاء بو شروان...

- بطبيعة الحال هو ليس دربي واحد... هو 2 دربيات...دربي بين الافريقي و الترجي... و دربي بين بيضوضان و بو شروان(...) كنا ثنائي في الرجاء البيضاوي المغربي كل منا يعرف الاخر.. نعرف ابو شروان كيفاش يلعب و هو يعرفني كيفاش نلعب فنتمنى اول حاجة تسود الروح الرياضية بين الفريقين و انو الي يتحكم في الاعصاب متاعو و كان هادئ و ياخذ المقابلة بجدية و كانت اللياقة البدنية في اعلى مستوى فاعتقد انو يفوز بالمقابلة

** مصطفى.. عندك فكرة على الملاعبية متاع النادي الافريقي اللي يلعبوا توة؟

-نعرف لاعبين.. لاعبين كبار اللي عندهم صيت مع المنتخب الوطني... فريق شاب و اعتقد انوا النتائج الي حققها انو بطل الخريف و على بعد 3 نقاط على الغريم التقليدي ... نعرف بعض الاعبين... ربما لا اذكر الاسماء و لكن اكثرهم حارس المنتخب الوطني بصراحة نهنيه على المستوى... عطاء كبير ...41 سنة و محافظ على اللياقة البدنية متاعو... اقدم تحية لحارس الفريق اللي يؤكد انو من الحراس الكبار في تونس لكن اعتقد انوا اللاعبين الاخرين عندي الشرف اني نتعرف عليهم في التمارين و في المقابلات و نتمنى من الله انو يكون فيه تجاوب بيني و بين بقية اللاعبين ...

**باش تذكرنا بكاماتشو اللي عندو محبة خاصة لدى جماهير النادي الافريقي ؟؟؟

-كماتشوا خلى صدى طيب و بصمة لدى جماهير النادي الافريقي لانه اعطى الشيئ الكثير و احرز معه الالقاب و فرحوا بالاهداف ديالوا... و كان نتمنى من الله... انا ما نقولش للجمهور اني احسن من كماتشوا... الي هو المثل الاعلى بالنسبة لي حتى اكون صادق قبل كل شيئ... نتمنى اني نمشي في المسار متاعوا.. و نحذو حذوه حتى نفرح جماهير النادي الافريقي و نكون في مستوى تطلعاته و اني نلعب بروحي و القتالية المعهودة فيا .. و نزيد الاضافة لاني عندما نمشي لاي فريق نعطي كل الجهد متاعي و نتمتى من من الله انوا يرفعلي من المستوى الي نقدموا...

** نخليلك كلمة الختام؟

- نطلب من جماهير النادي الافريقي الحضور بكثافة للتمارين و لمساندة فريقه لانه تنتظرنا صعوبات كبيرة لا سيما ان الفريق و اللاعبين مسلط عليهم ظغط كبير للمحافظة على القمة و ليقاسمونا السراء و الضراء ربما هذا ليس بغريب على جماهير النادي الافريقي... باش اللاعبين يعطوا كل ما لديهم...

** مع الشكر و ان شاء الله بالتوفيق
_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
joo
مشرف على الرياضه والسيارات
مشرف على الرياضه والسيارات
avatar

عدد الرسائل : 179
العمر : 23
تاريخ التسجيل : 02/11/2007

مُساهمةموضوع: رد: حوار مع اللاعب بيضوضان للموزع الصوتي للنادي... تحريرا   الثلاثاء نوفمبر 06, 2007 4:43 am

مشكور اخي على الموضوع الرائع







مشكور
تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Osama
ألـِـِمِـِـديِـِـر ألـِِـعِـِـآمً
ألـِـِمِـِـديِـِـر ألـِِـعِـِـآمً
avatar

عدد الرسائل : 247
تاريخ التسجيل : 02/11/2007

مُساهمةموضوع: رد: حوار مع اللاعب بيضوضان للموزع الصوتي للنادي... تحريرا   الثلاثاء نوفمبر 06, 2007 7:06 am

مشكور
اخوي
joo1
على
المرور
تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار مع اللاعب بيضوضان للموزع الصوتي للنادي... تحريرا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: badboys :: * ألريآضـه *-
انتقل الى: